“Loksins get ég andað… Við drukknuðum næstum því á leiðinni frá Tyrklandi til Grikklands”
– Aya, Sýrlenskur flóttamaður í München.n
Viðvarandi átök og ofbeldi sem á sér stað í Sýrlandi, Írak og öðrum heimshlutum veldur miklum fólksflutningum og flóttafólk sækir lengra en til næstu nágrannalanda. Takmarkaðar löglegar flóttaleiðir valda því að fólk á flótta undan ofsóknum hefur fáa valkosti og einnig þau sem vilja sameinast fjölskyldum sínum í Evrópu. Árið 2015 og á fyrstu mánuðum 2016 náðu um 1,2 milljón flóttafólk ströndum Evrópu, og voru þau flest að flýja átök og ofsóknir. Mörg týndu lífinu eða sáu ástvini farast á sjó í tilraun til að komast í öruggt skjól. Aukinn fjöldi fjölskyldna, kvenna og barna sem eru ein síns liðs, flýja um fjölda landa og eiga í hættu á að lenda í mansali.
„Sannleikurinn er einfaldlega sá að flóttafólk myndu ekki hætta lífinu á svo ógnvænlegum leiðum ef þeim liði vel þar sem þau eru.”
Melissa Fleming, Flóttamannahjálp S.Þ. (UNCHR)
Hvað gerir Flóttamannastofnunin til hjálpar?
Til að bregðast við þessu neyðarástandi starfa með Flóttamannahjálpinni meira en 600 starfsmenn og veitir hún hjálparúrræði á 20 mismunandi stöðum. Það felur í sér að veita mannúðaraðstoð, tilraunir til að bæta aðbúnað og húsaskjól á vetrarmánuðum, viðbúnað allan sólarhringinn á landamærum sem farið er um til að tryggja stöðuga vernd, eftirlit og inngrip. Einnig er reynt að sameina sundraðar fjölskyldur og koma auga á einstaklinga með sérþarfir, þ.m.t. börn sem ferðast ein, og koma þeim til réttra þjónustuaðila. Flóttamannahjálpin hefur einnig hvatt ríki Evrópu og aðra til að taka í sameiningu á málum af ábyrgð og einingu í takt við alþjóðlegar skuldbindingar þeirra.
Eftir lokun landamæra ríkja á vesturhluta Balkanskagans í byrjun mars jók Flóttamannahjálpin umsvifalaust úrræði sín til að bæta móttökugetu og þjónustu fyrir um 55.000 hælisleitendur og flóttamenn sem nú eru í Grikklandi til þess að styðja við grísk yfirvöld.
Saman getum við með stuðningi þínum veitt milljónum þá aðstoð sem þau þurfa nauðsynlega á að halda.