Þrýstingur leiðir til stefnubreytinga í þjónustu sem hefur bein áhrif á líf flóttafólks og ríkisfangslausra innan landsvæða og utan. Hann er mikilvægur hluti af starfi Flóttamannahjálpar Sameinuðu þjóðanna

Í bæði upprunalöndum og löndum sem flúið er til vinnum við með ýmsum innviðum ríkjanna til þess að tryggja það að stefnur, lög og venjur ríkjanna séu í samræmi við alþjóðalög.

Á tímum nauðungaflutninga notum við þrýsting til að hafa áhrif á stjórnvöld, óháð félagasamtök og almenning til að tileinka sér hætti sem tryggja vernd þeirra sem hana þurfa.

Styrktu starf okkar

Meginhlutverk umdæmisskrifstofu Flóttamannastofnunarinnar í Norður-Evrópu eru:

Að styðja stjórnvöld við innleiðingu á evrópskum og alþjóðlegum lögum sem snúa að hælisleit og ríkisfangsleysi.
Að hafa eftirlit með því að hælisleitendur hafi aðgang að þeim löndum sem tilheyra svæðinu og geti sótt um vernd.
Að styðja við innlend stjórnvöld sem fara með mál hælisleitenda í því að þróa sanngjarna, skilvirka og vandaða málsmeðferð í slíkum málum.
Að ráðleggja stjórnvöldum, samstarfsaðilum og hagsmunaaðilum um hvernig hægt sé að hjálpa flóttamönnum að aðlagast samfélaginu í löndum á svæðinu.
Að stuðla að því að stjórnvöld finni lausnir fyrir ríkisfangslausa einstaklinga innan sinna landamæra.
Að tryggja að allir þeir einstaklingar sem Flóttamannastofnunin lætur sig varða njóti réttinda með hliðsjón af aldri, kyni og fjölbreytileika og að stjórnvöld, samstarfsaðilar og hagsmunaðilar á svæðinu hvetji til og auðveldi þátttöku þeirra er málin varða.
Að auka vitund um hlutskipti milljóna flóttamanna um heim allan og að fjalla um mál er varða flóttamenn og hælisleitendur.
Að stuðla að því að starfsemi Flóttamannastofnunarinnar um heim allan njóti bæði fjárhagslegs- og almenns stuðnings.