ፈይሰል ቅድሚ ሕጊ ጥሒሱ ምብራሩ ኣብ ሃገረ ስዑዲ ዓረብ ምስ ስድራኡ ይቕመጥ ኔሩ፡፡ ኣብ ኤርትራ ሽዱሽተ ኣዋርሕ ኣቢሉ ምስ ተቐመጠ ግና ኣብ ዓሰርተ ሸውዓተ ዓመቱ ጉዕዞ ናብ ኣወሮጳ ተተሓሓዞ፡፡

ኣኮይ ብዘይ ገለ ጸገም ሊብያ ስለ ዝኣተወ ኣነውን ኣይጽግመንን እዩ ኢለ ተበጊሰ” ይብል፡፡ ኣብ ሊብያ ብዛዕባ ዘሎ መስገደላት ዝነገረኒ ሰብ ኣይነበረን፡፡

ሱዳን ንፈይሰል ኣይጠዓሞን፡፡ ኣዲኡ ገንዘብ እናሓወለትሉ ይናበር እምበር ጽምዋን ናይ ስደተኛነት ጸቕጢን ክጻወሮ ኣይከኣለን፡፡

.

“ብዛዕባ ሊብያ ምስ ሰማዕኩ ክላ ካብ ሱዳንዶ ከይከፍእ ! ኢለ ሓሰብኩ” ይብል ፈይሰል፡፡ “ወዲ ዓሰርተ ሸውዓተ ዓመት እየ፤ ገርሂን ዘይበሰልኩን ስለዝነበርኩ ክሳብ ክንደይ ጽንኩር ምንባሩ ክግምት ኣይከኣልኩን” ድማ ይብል፡፡

ከም ሰቡ ፈይሰል እውን ምስቶም ኣብ ኦምዱርማን ዝርከቡ ሰምሰርቲ ተራኸበ፡፡ ኦምዱርማን ካብ ርእሰ ከተማ ሱዳን (ካርቱም) ንሰሜን ወገን ዝርከብ ናይ ኣግማልን ኣቕሑን ዕዳጋ ኮይኑ ካብ ቀረባ ግዜ ኣትሒዙ ግና ናይ ሰምሰርቲ መናሃርያ እውን እዩ፡፡ እዞም ሰምሰርቲ ኣውሮጳ ክሰግሩ ንዝደልዩ መንእሰያት ይራኸቡ::

ኣብ ኦምዱርማን ፌይሰል ነቲ ዝተሓላለኸ ዓለም ሰምሰርቲን ምትላሎምን ተላለዮ፡፡ ዘየቋርጽ ሓለዋ ዶባት ስለዝነበረ ኸኣ ፌይሰል ምስ 120 ርእሱ ካብ ቤት ናብ ቤት ክቕይሩ መከራኦም ርእዮም እዮም፡፡ ኣብ ሓደ ኣጋጣሚ ናይ ሱዳናውያን እተኸድኑ ሰባት ናብቲ ፌይሰልን እቶም ካልኦት ሰገርቲን ተዓቚቦምሉ ዝነበሩ ገዛ ብምእታው ዘለዎም ገንዘብን ንብረተን ኩሉ ከረክቡ ወይ ንቤት ማሕቡስ ከእትውዎም ምዃኖም ኣፈራርህዎም፡፡

ፈይሰል ኣብ ሱዳንን ሊብያን ዘሕለፎ ዛንታ ኣብዚ ስማዕ፡፡