“ሰባት ከጋግዩኻ ይኽእሉ አዮም” ይብል ዓንደማርያም፡፡. “ንሓደ ከማይ ታክሲ ዝዝውር ሱዳናዊ ብዛዕባ ዘሎኒ መደባት ምስ ኣዕልልክዎ፡ ሊብያ ዘይትኸይድ ኣብኡ ናይ ስራሕ ዕድላት ኣሎ” ኢሉኒ ይብል ወሲኹ፡፡

ዓንደማርያም  ኣብ ዕድመ ኣርብዓታት ዝርከብ ኤርትራዊ ስደተኛ እዩ፡፡ ክትሪኦ ግና ካብኡ ኣጸቢቑ ዝዓቢ ይመስል፡፡ ሰብነቱ ድኹም እዩ፡ ክሰርሕ እንከሎ ድማ መሓውሩ የንቀጥቅጥ፡፡ ጥዕና የብሉን፡፡ ኣብ ኣውሮጳ ካብ ዝኣቱ ዓመቱ ኮይኑ”ሎ፡ ግና ጥዕና ይብሉን፡፡ ኣውሮጳ ክኣቱ ዝኾነ መደብ ኣይነበሮን፡ ፈጺሙ ኣብ ውጥኑ ኣብ ዘይነበረ ጉዕዞ እዩ ኣትዩ፡፡ እዚ ቃለ-መጠይቕ ኣብ ዝገበርናሉ ግዜ ዓንደማርያም ተቐማጢ ሙኒክ ጀርመን እዩ ኔሩ፡፡

ዓንደማርያም ናይ ስራሕ ዕድላት ኣሎ ብዝብለ ወረ ተታሊሉ ናብ ሊብያ ጉዕዞ ቅድሚ ምጅማሩ ኣብ ሱዳን እናሰርሐ ንዓሰርተ ዓመት ተቐሚጡ ኔሩ፡፡

“ሊብያ ምስ ኣተና ተኣሲርና” ይብል፡፡

“ምሸት ምሸት ሓውሉ እናበሉ ይቕጥቅጡና ኔሮም” ይብል ወሲኹ፡፡. “ነብስና ንሕጸብ ኣይነበርናን፡ ሕማም ቆርበት ጌርና፡ ሳሓ የሳቕየና ኔሩ፡፡” ብምባል ነቲ ወርሒ ምሉእ ዘሕለፎ ማእሰርቲ ይዝክሮ፡፡

ዓንደማርያም ንዝሃቦ ምስክርነት ተሞክሮኡ ኣብ ሊብያን ጉዕዞ ባሕሪን ኣብዚ ስማዕ፡፡