ကိတိာ်ပာ်လီၢ်စဲၢ်စ့ ၄၈ ကကွဲၢ်ကၠး လၢအ့ယၣ်၀တံၣ်တၢ်ကွၢ်ထွဲပာ်ကီၤအဂီၢ်
	Myanmar Times
	24/05/2018
	https://www.mmtimes.com/news/ministry-sets-aside-k48m-ayeyarwady-conservation.html

တၢ်လဲၤတၢ်က့ၤဒီး တၢ်ဆဲးကျိးတၢ်မၤကိတိာ် ပာ်လီၤစဲၢ်စ့ ၄၇.၇၇ ကကွဲၢ်ကၠး လၢတၢ်ကကွၢ်ထွဲပာ်ကီၤအ့ယၣ်၀တံၣ်ထံကျိအဂီၢ်, အဂ့ၢ် ကိတိာ်ခိၣ်ခံဂၤတဂၤ အူကၠီၤမၠိ, စံး၀ဲလီၤ. စ့လၢတၢ်ပာ်လီၢ်စဲၢ် တၢ်ကသူအီၤလၢသၢနံၣ်တီၢ်ပူၤ လၢတၢ်မၤလၢတၢ်ကဘၣ်မၤ ဆိအီၤ လၢအပတီၢ်စုာ်စုာ်ဒၣ်၀ဲ, စးထီၣ် ၂၀၁၈-၁၉ တၢ်သူစ့နံၣ် တုၤ ၂၀၂၀၀၂၁ တၢ်သူစ့နံၣ်, အဂ့ၢ် အ၀ဲဒၣ်စံးဘၣ် ဘျီၣ်ဒိၣ်ထး ခီ, ဖဲမုၢ်ဆၣ်အနံၤလီၤ.

အူကၠီၤမၠိစံး၀ဲလၢ, အ့ယၣ်၀တံၣ်ထံကျိၤအထီ ၁၂၁၁ ကံလိမံထၢၣ်အကျါ, စးထီၣ်လၢဘမီၣ်၀့ၢ်လၢကခၠ့ၣ်ကီၢ်စဲၣ် တုၤညီၤတိကီၢ် ဆၣ်လၢ အ့ယၣ်၀တံၣ်ကီၢ်ဒိၣ်, အထီ ၄၆၅ ကံလိမံထၢၣ်, တၢ်လိၣ်လၢတၢ်ကွၢ်ထွဲပာ်ကီၤအီၤဘၣ်, ထံကျိအထီထဲ ၅၇ ကံလိမံ ထၢၣ်ဧိၤ, တၢ်ကွၢ်ထွဲပာ်ကီၤအီၤလီၤ.

အ၀ဲဒၣ်စံးဒံး၀ဲလၢ ထံကျိအထီဆူညါ ၆၈၉ ကံလိမံထၢၣ် ကလိၣ်တၢ်ကွၢ်ထွဲပာ်ကီၤအီၤတၢ်မၤန့ၣ်လီၤ.

"တၢ်လီၢ်အိၣ်၀ဲ ၂၅ တီၤလၢတၢ်ကဘၣ်ကွၢ်ထွဲကတီၤအီၤလီၤ. တၢ်တယာ်၀ဲလၢ တၢ်လၢာ်ဘူၣ်လၢာ်စ့ၤကလီၤလၢ၀ဲ ၄၇ ကကွဲၢ် ကၠးလီၤ. တၢ်ကွဲးပာ်လီၤတၢ်ရဲၣ်တၢ်ကျဲၤလၢ တၢ်လီၢ်လၢတၢ်ကဘၣ်မၤဆိအီၤ လၢသၢနံၣ်အတီၢ်ပူၤလီၤ." အူသဲၣ်လဲၤ၀့, လၢအမ့ၢ် ပှၤနဲၣ်တၢ်လၢ ထံနိဂံၢ်ထံးကံၢ်စီ ဒီးတၢ်မၤဂ့ၤထီၣ်ထံကျိအကျိၤအကွာ်၀ဲၤလီၢ်, Directorate of Water Resources and Improvement of River Systems, စံး၀ဲဖဲတၢ်ထံၣ်လိာ်သးဒီးတၢ်ကစီၣ်သန့အခါလီၤ.

မ့ၢ်လၢတၢ်လၢာ်ဘူၣ်လၢာ်စ့ၤလၢာ်အါအဃိ, တၢ်ကွၢ်ထွဲကတီၤထံကျိတၢ်မၤ တၢ်မၤအီၤန့ၢ်ကယီကယီလီၤ.