ကီၢ်ပယီၤအသုးမုၢ် အၢၣ်လီၤကပတုာ် တၢ်တ့ထီၣ်ကျဲမုၢ်တၢ်တိာ်ကျဲၤ လၢတၢ်တဲအါလၢအဂ့ၢ် လၢကညီကီၢ်စဲၣ်
	The Irrawaddy
	17/05/2018
	https://www.irrawaddy.com/news/burma/tatmadaw-agrees-halt-contentious-road-project-karen-state.html

ကံၣ်မဲ, ကီၢ်ကၠီၣ်တဲၣ် - ကီၢ်ပယီၤသုးမုၢ် အၢၣ်လီၤလၢကဆိကတီၢ်ဃာ် တၢ်တ့ထီၣ်ကဒီးကျဲ လၢတၢ်တ့ပာ်လၢညါ, ဒ်သိးကပတုာ် တၢ်ဆှၢလီၤသုးလၢလၢၢ်မုၢ်ပျီဟီၣ်က၀ီၤ, ဖၣ်ပူၣ်ကီၢ်ရ့ၣ်, ကညီကီၢ်စဲၣ်, ဖဲတၢ်ထံၣ်လိာ်သးလၢ ကီၢ်ပယီၤသုးမုၢ်ခိၣ်ကျၢၢ် ဒီးကညီဒီ ကလုာ်စၢဖှိၣ်ကရၢခိၣ်နၢ်အဘၢၣ်စၢၤ, ဖဲ၀့ၢ်တကူၣ်, မုၢ်လ့ၢ်ဧိၤအနံၤလီၤ.

ကီၢ်ပယီၤသုးမုၢ်ခိၣ်ကျၢၢ်, သုးခိၣ်ကျၢၢ်အဒိၣ် မ့အီၣ်လဲၢ် ထံၣ်လိာ်အသးဒီး ကညီဒီကလုာ်စၢဖှိၣ်ကရၢခၢၣ်စး လၢဘၣ်တၢ်တီခိၣ်ရိၣ် မဲအီၤလၢ အကရၢခိၣ်, သုးခိၣ် ကျၢၢ်မူၤတူစ့ဖိ, ဘၣ်တၢ်လဲၤဃုာ်ဒီးအီၤလၢ သုးရိၣ်မဲခိၣ် သုးခိၣ်ကျၢၢ်စီၤကၠီနံၣ်, ဒီးထံရူၢ်ကီၢ်သဲးဒီး သုးဂ့ၢ်၀ီ ပှၤဟ့ၣ်ကူၣ်တၢ် သုးခိၣ်ဒိၣ် စီၤထူထူလ့ ဒီးခိၣ်နၢ်ဒိၣ်ထီ အဂၤတဖၣ်လီၤ.

တၢ်မၤန့ၢ်တၢ်အၢၣ်လီၤ ဖဲကီၢ်ပယီၤသုးမုၢ်တၢ်ဟူးတၢ်ဂဲၤလၢဟီၣ်က၀ီၤ အပူၤခံလါ၀ံၤအလီၢ်ခံ, လၢအဒုးအိၣ်ထီၣ်တၢ်ဖ့ၣ်ဆၢလၢခံခီယၢ်ကပၤ ဒီးဒုးစံၣ်မှံဟးဖှိးသ၀ီဖိအဂၤ ၂,၄၀၀ လၢလၢၢ်မုၢ်ပျီ, လူၤသီကီၢ်ဆၣ်အ ပူၤန့ၣ်လီၤ.
ကညီဒီကလုာ်စၢဖှိၣ်ကရၢ ပဒိၣ်စီၤကွဲၤထူ၀့စံးဘၣ် အ့ယၣ်၀တံၣ်တၢ် ကစီၣ်ဖဲ မုၢ်လ့ၢ်ဧိၤအနံၤလၢ, မ့ၢ်လၢတၢ်ဆှၢလီၤသုးလၢတၢ်တ့ထီၣ်ကျဲ အဂီၢ်အဃိ, တၢ်ဆိကတီၢ်ကွံာ်တၢ်တ့ထီၣ်ကျဲ တၢ်ရဲၣ်တၢ်ကျဲၤ, ဒီးသုး ကဘၣ်က့ၤဆူ အ၀ဲသ့ၣ်သုးကလၢၤအခီၣ်ထံးအလီၢ် န့ၣ်လီၤ.

တၢ်ထံၣ်လိာ်သးဒီးသုးမုၢ်ခိၣ်ကျၢၢ် "ဒ်သိးတၢ်ကဘှါၡဲ စုက၀ဲၤတၢ်ထီဒုၣ် ဒါလၢအခဲအံၤ" လၢကီၢ်ပယီၤသုးမုၢ် ဒီးကညီဒီကလုာ်စၢ ဖှိၣ်ကရၢသုးအဒ့ြတၢ်, ကညီဒီကလုာ်တၢ်ထူၣ်ဖျဲးသုၢ်ဒိၣ် အဘၢၣ်စၢၤ, လၢအဒုးအိၣ်ထီၣ်သ၀ီဖိဘၣ်စံၣ်မှံဟးဖျိး, အဂ့ၢ် ကရၢခိၣ်ခံ ဂၤတဂၤ, စံး၀ဲလီၤ.

အ၀ဲဒၣ်စံးဒံး၀ဲလၢ, ခံခီယၢ်ပၤကဆဲးကတိၤတၢ်ဒံး ဖဲကီၢ်စဲၣ်ကီၢ်ဒိၣ်ပတီၢ် လၢကညီဒီကလုာ်စၢဖှိၣ်ကရၢ သုးဂ့ၢ်၀ီပှၤကတိၤတၢ်က ရူၢ် ဒီးကီၢ်ပယီၤကလံၤထံးအသုးအဘၢၣ်စၢၤ, "လၢကတၢၣ်ပီၣ်သကိး သုးဂ့ၢ်၀ီတၢ်ဂ့ၢ် လၢအကဆူးကတံာ်အဂီၢ်လီၤ."