ကီၢ်ယပၣ် တိာ်ပာ်၀ဲလၢ ကဟ့ၣ်လိၢ်ဆိကီၢ်ပယီၤစ့ ၁၀၀ ဘ့လယၢၢ် yen
	The global New Light of Myanmar
	27/08/2016
	https://issuu.com/myanmarnewspaper/docs/27_aug_16_gnlm_24cbe0aca30919

ကီၢ်ယပၣ်အိၣ်ဒီးတၢ်ရဲၣ်တၢ်ကျဲၤလၢ ကဟ့ၣ်လိၢ်ဆိကီၢ်ပယီၤစ့ 100 billion yen ဒ်သိးအကမၤဂ့ၤထီၣ် အတၢ်
သူၣ်လီၤဆီလီၤ တၢ်လိၣ်သ့ၣ်တဖၣ်အဂီၢ်, အဂ့ၢ်, တၢ်ကစီၣ်ဂံၢ်ထံးလၢကီၢ်ယပၣ်ပဒိၣ် စံး၀ဲဖဲမုၢ်ဖီဖးအနံၤလီၤ. တၢ်
ပာ်ဖျါအသးလၢတၢ်ကဟ့ၣ်မၤစၢၤ တၢ်အဂီၢ်အံၤ, မ့ၢ်တၢ်အဆိကတၢၢ်လၢ ၀့ၢ်ထိၣ်က်ယိၣ် စးထီၣ်လၢ ခီဆၢပၣ်တံၣ်
လၢဘၣ်တၢ်တီခိၣ်ရိၣ်မဲအီၤလၢ အီၣ်ဆါစူးကၠံၣ် စးထီၣ်ဟံးန့ၢ်စိကမီၤဖဲ လါမးၡး၀ံၤအလီၢ်ခံန့ၣ်လီၤ.

ကိတိၤခိၣ်ကျၢၢ် ရှံးစီၤအဘ့း တိာ်ပာ်၀ဲလၢကဘိးဘၣ်သ့ၣ်ညါလီၤတၢ်ဂ့ၢ်အံၤ ဖဲအ၀ဲဒၣ်ကလဲၤထီၣ်ဟီၣ်က၀ီၤတၢ်အိၣ်
ဖှိၣ် လၢအပၣ် ဃုာ်၀ဲဒီး မုၢ်ထီၣ်ကလံၤထံးထံကီၢ်စၢဖှိၣ်ကရၢ Association of Southeast Asian Nations တၢ်
အိၣ်ဖှိၣ် ဖဲခဲကၢာ်တလါအ ဆၢကတီၢ်, တၢ်ကစီၣ်အဂံၢ်ထံးစံး၀ဲလီၤ. ကီၢ်ပယီၤမ့ၢ် မုၢ်ထီၣ်ကလံၤထံးထံကီၢ်စၢဖှိၣ်က
ရၢ ကရၢဖိကီၢ်တဘ့ၣ်လီၤ.

ကီၢ်ယပၣ်သးဆူၣ်၀ဲလၢ ကဟ့ၣ်တၢ်ဆီၣ်ထွဲမၤစၢၤဆူ ကီၢ်ပယီၤ ဒ်အမ့ၢ်ကျဲတဘိလၢ ကခီဆၢက့ၤကီၢ်စံၣ် (တရူး) အ
တၢ်စိကမီၤ လုၣ်ဘၢလၢကီၢ်ပယီာ်အဖီခိၣ် လၢအမ့ၢ်ကီၢ်လၢအိၣ်ဒီးန့ဆၢၣ်ဂံၢ်ထံးအကံၢ်အစီလၢအအါ, ဒီးလဲၤထီၣ်
လဲၤထီချ့တဘ့ၣ်န့ၣ်လီၤ.

စ့လိၢ်ဆိတဖၣ်အံၤ တၢ်ကသူအီၤလၢတၢ်တိာ်ကျဲၤ လၢတၢ်ကဘှီဂ့ၤထီၣ်က့ၤလ့ၣ်မ့ၣ်အူကျဲ လၢအဆဲးကျိး ကီၢ်ပယီၤ
၀့ၢ်ဒိၣ်ကတၢၢ် ခံဖျၢၢ် ၀့ၢ်တကူၣ် ဒီး မါတလ့ အဂ့ၢ်, တၢ်ကစီၣ်ဂံၢ်ထံးစံး၀ဲလီၤ.

ထံကီၢ်လၢအဂၤစ့ၢ်ကီး ကွၢ်စူၢ်၀ဲကျဲလၢ ကမၤဂ့ၤထီၣ်တၢ်ရ့လိာ်မုာ်လိာ်ဒီး ကီၢ်ပယီၤဒံၣ်မိၣ်ကရ့ၣ်တံးပဒိၣ် လၢဘၣ်
တၢ်ဃုထၢထီၣ် အီၤလၢ အနံၣ်ယဲၢ်ဆံအတီၢ်ပူၤလီၤ. ကီၢ်စံၣ်ကီၢ်ခိၣ် Xi Jinping မဟါတနွံ ထံၣ်လိာ်တဲသကိး
တၢ်ဒီး စူးကၠံၣ် ဒီးတဲသကိး၀ဲတၢ်ဂ့ၢ် ဘၣ်ဃး တၢ်မၤလဲၤထီၣ်လဲၤထီ ကီၢ်ပယီၤအတၢ်သူၣ်လီၤဆီလီၤ တၢ်လိၣ်သ့ၣ်
တဖၣ် အဂ့ၢ်လီၤ.